旅神TravelMaster: 清邁蒲Cafe，3大文青地道精選

出遊清邁，今次專程飛去參加泰國旅遊交易會（Thailand Travel Market，TTM），同場集齊旅遊業內好多重量級人馬同單位如酒店度假村、旅行社等，同場仲有港人最熟悉的胡慧沖Roger！今年展覽以「運動旅遊」為主打，浮潛、泰拳以外，仲特別介紹泰國其實都有好多運動可以玩，例如可以打哥爾夫球、一年至少有3場馬拉松分別在曼谷、清邁同布吉舉行等。由於今次展覽在清邁國際會議展覽中心舉行，距離古城較遠，所以想蒲Café、餐廳就最好返回市中心，一連數日分別去到最出名的尼曼路一帶和河邊覓食，以下精選三間文青、地道Café，或者有間都是你心水？

1.不可不吃的厚多士店
雖然香港都有咖央多士，但既然來到清邁，必去有52年歷史的MONT！總店設於曼谷，但長期排滿人龍，而大家為的就是一件幼滑而濃郁鮮奶味的牛油咖央！試過橙色原味沾醬多士後，已經令人驚喜，但我個人極力推介青綠色的斑蘭醬，再配上一杯香滑奶茶，無得輸！冰火二重奏的組合，難怪MONT只於下午4點開始營業至凌晨，無時無刻都座無虛席！食完還可走到大門口跟老闆的馬賽克壁畫來個大合照呢！

Mont
地址：45/1-2 Nimmarnhemin Road, Chiangmai
電話：+ 6653-214410
營業時間：4pm-12mn

2.格型泰好混fusion菜
只要來到集酒店、café、商場於一身的Think Park大門口，一定會被眼前那幢兩層高，全落地玻璃的Local餐廳吸引！皆因這家甚講究細節的新派餐廳Café，利用了不少upcycling的設計元素，如由無數車門砌成的前枱、由石油氣樽改裝成的吊燈、棄木舊傢俱翻新重新組裝、雜誌餐牌等，幾乎任何角落都可以成為selfie打卡位。說是吃fusion菜，但原來混的全是泰國不同地方菜的混合配搭，所以也是新派創意泰菜。不過此行只點西瓜玫瑰士多啤梨杏仁蛋白蛋糕，清新甜美很適合炎炎夏日。其實Local跟Iberry是姊妹店，都是由棟篤笑演員Note Udom與當地餐飲業大亨Mr.Tan合作聯營。還記得Iberry的看門吉祥物嗎？那是一隻戴上太陽眼鏡的Hip Hop狗，而今次Local的看門吉祥物則換成大黑貓。

(Photo Credit: local cafe' Facebook Page)

Local
地址：Think Park, outside Eastin Tan Hotel, Su Thep, Mueang Chiang Mai District, Chiang Mai 50200
電話：+66 53 215 250
營業時間：10:30am-10pm

3.隱世河邊 Hea Café

文青café在清邁隨處可見，不過這家位於Ratilanna Riverside Spa Resort旁的café，賣點卻是外面不顯眼的門口，與及一大片河邊青草地！甫入門口即見到一隻近6呎高的黃色熊bear bear 模型，令人忍不住上前擁著合照。看著眼前那一大片青蔥草地和靜美的河畔，教人只想躺坐在這裡放空，或來個席地野餐。又者坐在樹蔭下的木露天雅座都夠舒服！ Café 早上8點已開始提供早餐至11點30分。之後會提供簡餐、麵飽蛋糕小食。