在單車徑上踩車就試得多，你又試過在鐵路上踩嗎? 江村鐵道單車 (강촌레일파크)自從被韓國綜藝節目《Running Man》介紹過後大紅。這次為免人多買不到票，出發前預先在KKday網上訂票:
江村鐵道腳踏車RailBike門票。
鐵道由金裕貞站踩至江村站方向，每小時整點出發，由每朝9點鐘至傍晚6點，一日共有10班次。為免錯過班次都特意早15分鐘到達。由市區坐車到去金裕貞站已經十分驚喜，車站外型設計別具特色，我都忍唔住影返相留念呀！
從車站遠望右邊已經見到大大隻字寫住Rail Park。由車站到Rail Park入口只需5分鐘路程，但沿路已經有多間食店。(春川市最出名係炒辣雞，嗜辣既朋友必試呀！)
甫步前往售票處，將預先印好的KKday兌換證交給職員即可，並按職員指示向前排隊上鐵道車啦！提提你，如果想玩2017新加的VR體驗隧道，記得要係購票處現場購買(1,000KRW/人），出發後不得臨時加購架！(去到VR體驗隧道入口會有個分發VR既地方，按照工作人員指示領取VR眼鏡。)
上車後，職員們都會好細心為大家扣好安全帶，並且會教大家如何使用剎車制。值得一提的是，車上有放置手機的兜兜，而座位下亦有位放置隨身物品，極貼心！
好！正式出發~ 一開始先有段長斜路(放心無離心力~)，衝完一段路之後就要開始腳踏鐵道旅程。沿途風光明媚，不經不覺就到左第一個隧道 - Happy Bubble Tunnel，聽住首好輕快好抒情既Happy Bubble， 2分鐘就出洞口啦！
沿途湖江山色，風光如畫，完全幻想到如果在遍地櫻花或鋪滿大雪的時候前來，多麼浪漫啊！期間踩踩下前面突然收油，原來係馬路口，有工作人員指示要比車通過之後先可以繼續向前踩。
再踩約30分鐘便去到第2個隧道，這次是一個以漫天星空為主題的隧道，依舊聽住浪漫的歌曲慢慢踩出隧道。可以連續體驗由光明去穿過黑暗，再重見光明的感覺幾特別！
不時有涼風吹過來，旅程比想像中舒適寫意！終於來到第3個隧道 - 全球首座VR體驗隧道！！！去到隧道口前，只要提供在售票處買的VR Ticket給工作人員就可以帶住VR鏡衝入去打怪獸啦！這條隧道亦是3條中最長的一條，沿途有工作人員協助，可能驚大家掛住打怪獸避炸彈太投入吧！打完怪獸就到尾聲了。一落車就有2個廁所等緊大家，畢竟踩左差不多1個鐘頭，人有三急是常識吧！
落車後旅程尚未完結~向前行約二十米就有位置比大家坐下休息，旁邊亦有小食檔和手信店。同時官方特意設立相片站，大家可以睇返官方幫大家拍下的照片，如果合心意就可以買回家留念。
鐵道全長(8.2km) 當中包括：騎乘路段 5.5km，浪漫列車接載前往江村站 2.7公里，所以大家踩到休息站後，便有另一架浪漫列車載大家到江村站，然後可以搭免費穿梭巴士回到金裕貞站。列車方面：每小時會有2班，如果所以錯過10分個班車，就要等50分開出返去江村站啦！
金裕貞地鐵站
323-2, Jeung-ri, Sindong-myeon, Chuncheon-si, Gangwon-do, Korea
강원도 춘천시 신동면 증리 323-2
行程長度：約60分鐘
