《 404不存在的國落 》 -塞波加公國5件你不可能知道的事

ViuTV旅遊節目《404不存在的國落》帶大家去到5個不被聯合國承認的國家，首站先去意大利內的塞波加公國，主持阿妹&蚊蚊由香港出發先去莫斯科再轉機去尼斯，全程獲當地皇室接待。睇完3集節目綜合以下5件事歷史、運動、貨幣等出發前你要知的事，仲會話你知點入籍呀！
不過最好就係節目重溫啦~~：http://viu.tv/encore/4-0-4-countries-not-found
即Like 旅神Travel Master Facebook 

1.民選親王
話說在1963年有位27歲的青年發覺條村(即塞波加公國)係1079年－1729年之間曾是神聖羅馬帝國下屬的親王國，所以決定復興國家。後來這位青年就成為首位國王即喬治一世，其後在2009年駕崩。因無子女，所以就一人一票民選出現今親王馬塞羅一世。

2.擁有自己貨幣、郵票、行車證
當地擁有自己貨幣叫luigino，而1luigino相等於6蚊美金，硬幣上有親王的樣。不過在國際銀行間並不承認，但在當地的超市、餐廳是通用。

難得去到阿妹打算寄Postcard，而王妃就提醒當地有自家郵票外，最好都係同時貼上意大利郵票以免寄失。

公國內就連行車證都自家設計，而且有埋晶片，不過只限區內有效。

3.全國得8個守衛
阿妹&蚊蚊直闖親王Office，旁邊全程有位守衛。一問之下先知原來全國得8個守衛，身旁的一位是負責城內的歷史區。親王仲話當地治安良好，四周有好多攝影機，所以守衛的角色最主要是保留公國的傳統。

4.國慶先坐馬車
主持全程獲皇室Private Tour介紹，仲可以登上親王御駕的馬車做公主遊覽當地。原來馬車多數在國慶日8月20日先會坐，今次破例招待，面子十足呀！

5. 入籍做國民不是夢
在大時代下人人都想走，或者睇完節目你都想入藉塞波加公國公國。條件係你投資移民或在當地住滿25年或對獲得親王特權。親王就話試過給予特權一個年過百歲的老人、有特別成就或對公國有貢獻的人都得。